MPYCC chuan he niah hian Congress Thalai member zawng zawngte a tam thei ang ber thawkchhuak turin an ngen a. Union Home Minister chuan Citizenship Amendment Bill bak engdang mah rawn kal tum chhan a nei lo tih chu an rindan a nih thu a sawi. BJP Sawrkarin CAB chu November thlaah pass ngei tumin a inbuatsaih tih MPYCC chuan an sawi a, an kawng dal tur nia an ngaihte an thian fai mek a ni, an ti a. Hmarchhak mipuiten CAB nasa taka an do laiin, MNF Sorkar chu Central lama an sangawi zawnpui BJP te laka tlaktlum loh hlaua CAB leh ramri chungchanga dawiaw chhuahah an puh a ni.
