Vawiina Minister pahnih, Dr. R. Lalthangliana leh Pu K. Lalrinliana hna chanpual enkawlna tur sum ruahman sawi honaa Pu Zodintluanga hian, Mizoramah Doctor indaih lohna avanga harsatna hrang hrang thleng \hin chu Congress kaihhruai sorkar chuan \ha a tih loh avangin harsatna tam tak paltlangin Mizorama Medical College hmasa ber, Mizoram Institute of Medical Education and Research (MIMER) hi a din a ni a ti a. He College-ah hian Mizo \halai za telin an kawtkaiah ngei thlamuang takin Doctor an zir mek a, hetiang a nih mek lai hian he Medical College din nana tha pakhat pawh thawh ve lo MNF kaihhruai sorkar tharin a hming lam a harsa tih chhuanlama a thlak nghal mai chu a pawi hle a ni, a ti.
Pu Zodintluanga hian, Assembly Budget session neih meka MIMER hming thlak chhan zawhna Health and Family Welfare Minister, Dr. R. Lalthangliana’n a chhan danin, MIMER hming thlak chu hmasawnna leh hlawkna hmuh theihna tur lam ni lovin, a hming lam a harsatna vang a nih thu tarlan a ni a ti a, hetianga hlawkna pakhat pawh awm chuang si lova sorkar hmasa-in ngaihtuahna thui tak senga a hming a lo phuah tawh thlak a ni chu thil awmze nei lo a nih avangin MIMER hming chu a hma anga thlak let leh turin sorkar hotute a ngen tih a sawi.
Assembly Budget session neih meka ZPM member, Pu Lalchhuanthanga’n ‘MIMER hming Zoram Medical College tia thlak a ni hian engnge \hat zawkna leh hlawkna neih’ tih a zawhna chu ‘MIMER hming Zoram Medical College tia thlak a ni hian chuti taka \hat zawkna leh hlawkna neih sawi tur a awm lem rih lo’ tiin Health and Family Welfare Minister, Dr. R. Lalthangliana chuan a chhang a ni.
