MNF member pahnih Prof. F. Lalnunmawia leh Pu Vanlal\anpuia zawhna in\awm leh zawhbelhna dangte chhanga he thu hi sawiin Dr. R. Lalthangliana chuan, tun dinhmunah KMMTTP ah hian zaa 85.5 thawh tawh a ni, a ti a. Helai kawngpui laih mekah hian ram neitua inchhal zangnadawmna pek beisei engemawzat an awm a, hei hi Commerce and Industries Department kut a nih chiah loh avangin engtianga buaipui tur nge a hriat mai loh thu a sawi. Dr. R. Lalthangliana chuan, Kawrpuichhuaha Border Trade dinna atan Department chuan kum 2001 khan Bigha 224.99 a zau ram a nei tawh tih a sawi a, sorkar laipui duh dan angin Integrated Check Post din nan kum 2010 khan an ram neihsa a\ang hian Bigha 52.21 a zau chu Union Home Affairs Ministry-a Secretary hminga dah a ni tawh a, DPR pawh sorkar laipuiah thehluh a ni tawh a, kum 2013 khan Land Port Authority of India chuan Border Trade tih changtlun tur zingah Kawrpuichhuah chu a dah tih a sawi.
Dr. R. Lalthangliana chuan, Bangladesh nena insumdawn tawnna tihlawhtling tur hian India leh Bangladesh sorkar hotute nen \um engemawzat inhmuhkhawm tawh a nih thu leh a hmunah pawh tlawh a nih tawh thu a sawi a. Ramria India leh Bangladesh inkalpawhna tur lei dawh a nih theih nan sorkar laipui pawh kar reng a ni a, hmasawnna ruhrel dinna tur DRP thehluh pawh a hlawhtlin theih nan sorkar laipui hotute dawr reng a ni, a ti.
