Colombia-ah lei dawh chim, hnathawktu 9 thi

Colombia rama motor zawh tur lei dawh mek a chim avangin nimin khan hnathawktu 9 an thi a, mi dang 5 an hliam. Chirajara-a an lei dawh mek hi khawpui pahnih, Bogotá leh Villavicencio inkarah dawh a ni a, metre 450-a sei a ni a, a hnuai chu kawr th<k tak a ni. Transport Minister, Germán Cardona chuan he thil thleng hi pawi a tih thu leh, a thlen dan hi ngun taka chhui zui a nih tur thu a sawi. He lei hi kumin June thlaa dawh zawh tura tih a ni a, thawktu pakhat chuan, lei a chim tih a hriat rual hian a lu-ah na taka vuak anga a awm avangin engmah a hre zui lo niin a sawi. Hnathawktu enkawltute chuan, he hnathawhah hian fimkhur a \ul avangin, hnathawktute chu fimkhur dan tur zirtir reng an ni a, he lei chim lai pawh hian thawktu \henkhat chu hetiang hi hrilh mek an nih avangin lei dawh laiah hian mi an tam lo a, thi leh hliam an tlem phah niin an sawi. Bogotá leh Villavicencio inkar kawng siam mekah hian lei verh 18 leh lei 42 a awm dawn a, heng khawpui lian pahnih inkar kawngpui hi a zim avangin, tuna an kawng siam mek hi awlsam zawka veivah theih nana siam thar niin an sawi.