Mizo \halaite zingah chhungte thawhchhuahsa ringa awm awl mai mai an tam chu thil \ha lo zahthlak tak a ni tih sawiin, \halaite chu an kutkawih hmang intodelh tura \anla sauh sauh turin a chah a. Eng kawng pawh zawh se taimakna, rilru nghet leh teirei peih turin a chah bawk. Cod Nerc Director, Pu B. Lalchhanzova pawhin, \halaite chu harsatna an tawh chang pawha an rilru kamtu atan hmang lova, hlawhtlinna kailawn atan hmang thiam turin a chah a. Ngaihtuahna dik an put phawt chuan hlawhtlinna kawng a awm tih hre turin a chah a ni.
VYK aiawha thu sawitu, Rajeev Nirmal pawhin thalaite chu khawtlang nunah thil thlakthlenga tidanglam theitu an nih avangin VYK chu thalaite behchhana hma latu a ni tih a sawi. He workshop hi naktuk thleng neih a ni dawn a, hetah hian Lengzem Editor, Pu Vanneihtluanga, Social Worker, Pu PL Liandinga, kum 2017 Miss Mizoram, Rody H. Vanlalhriatpuii, Young Achiever Award 2018 dawngtu, Krista Roluahpuia, Pathian rawngbawltu Rev. JH Zahluna leh midangte nen hun an hmang dawn a ni.
