CM, Pu Lal Thanhawla leh Union Minister of State for Culture, Environment, Forest & Climate Change, Dr. Mahesh Sharma chuan vawiin chawhnu khan Aizawla Millennium Centre chung zawlah hmeithai khawsak harsa, BPL chhungkuaa mite tan Pradhan Mantri Ujjwala Yojona a\angin a thlawnin gas connection an sem chhuak. A thlawna gas connection dawngtute hi thingtlanga hmeithai khawsak harsa vek mi 10 an ni a, gas connection hi IOC nena \angruala sem chhuah a ni. Sorkar a\anga Zonet thu dawn danin, tun \uma Mizorama Pradhan Mantri Ujjwala Yojona hnuai a\anga hmeithai khawsak harsate tana a thlawna gas connection pek hi Mizorama a bul \anna a ni a, dilna thehlut tawh leh an dinhmun endik fel tawh te chu pek zui zel an ni dawn a ni. Union Minister of State, Pu Mahesh Sharma hian vawiin khan Aizawl a lo lut a, zanina Aizawla a riah hnuah naktuk chawhma lamah Tuikhuahtlanga Archaeological Survey of India Circle Office a hawng ang a, hemi hnu hian New Delhi a pan leh dawn a ni.
