Minister of State thar, Pu KS Thanga chu Agriculture Minister a ni a, Pi Vanlalawmpuii Chawngthu chu Cooperation Minister a ni. Pu R. Lalzirliana chu Power & Electricity Minister thar a ni a, Pu Lal Thanzara chu PWD Minister thar a ni bawk. Pu KS Thanga leh Pi Vanlalawmpuii Chawngthu hna chanpual pek an nih rual hian, Minister dangte hna chanpual siksawi nual a ni a, hemi hriattirna hi vawiin khan Chief Secretary, Pu Lalmalsawma’n a chhuah a, chumi ang chuan Minister of State thar Pu KS Thanga hian Agriculture Deptt., Irrigational & Water Resources leh Land Resources, Soil & Water Conservation a chang a, Minister of State thar dang, Pi Vanlalawmpuii chuan Cooperation, Sericulture leh Fisheries Deptt. te a chang a ni. Chief Minister, Pu Lal Thanhawla chuan Political & Cabinet, Vigilance, General Administration Deptt., Secretariat Administration Deptt., DP&AR, District Council & Minority Affairs Deptt. leh Enviroment, Forest & Climate Changte te a enkawl dawn a, Pu R. Lalzirliana’n Home Deptt., Power & Electricity, Rural Development leh Excise & Narcotics Deptt. a chang ta a ni. Pu Lalsawta chuan a hna chanpual pangngai, Finance, Taxation, Planning & Programme Implementation leh Law & Judicial te a chang chhunzawm a, Pu R. Romawia pawhin Higher & Technical Education, Art & Culture, Land Revenue & Settlement leh Parliamentary Affairs Deptt. te a chang zui a, Pu H. Rohluna chuan School Education Deptt., Labour, Employment, Skill Development & Entrepreneurship Development Deptt., Commerce & Industries Deptt. leh Geology & Mineral Resources Deptt. a chang a ni. Pu Zodintluanga chuan UD&PA, PHE, Sports & Youth Services leh Information Communication Technology Deptt. te a chang a, Pu Lal Thanzara chu PWD Minister a ni ta a, hemi bakah hian a enkawl mek, Health & Family Welfare leh Information & Public Relations Deptt. te a chang zui a ni. Pu PC Lalthanliana chuan a hna chanpual pangngai, Horticulture, LAD leh Social Welfare a chang a, Pu John Rotluangliana pawhin Food, Civil Supplies & Consumer Affairs Deptt., Transport & Tourism Deptt. te a chang zui a, Minister of State, Pu C. Ngunlianchunga pawhin a hna chanpual pangngai, AH & Vety, Printing & Stationery leh Disaster Management & Rehabilitation a chang zui a ni.
