CJI nen inkhak vangin ukil hlun, Rajeev Dhawan bang

Chief Justice of India, Dipak Misra nena an inkhak avangin Supreme Court ukil, Rajeev Dhawan chuan a hna a bansan. Chawlhkar hmasa lama SC-in a ngaihtuah thubuai pahnih – Ayodhya thubuai leh Delhi sorkar thubuaiah Dhawan hi ukil atan rawih a ni ve ve a, a ukil pui, Kapil Sibal leh Dushyant Dave chuan Babri Ram temple chungchang thubuai hi kum 2019 Lok Sabha inthlan zawha ngaihtuah chhunzawm turin nasa takin an dil a, hemi hnu lawk hian Delhi sorkar chungchanga Larsap leh leh Delhi sorkarin thuneihna an inchuh chungchangah, AAP aiawhin a ding leh a, he thubuaiah hian court hian a thutlukna chu \um danga puan tura a tih tawh hnuah, Dhawan hian thu sawi belh a la tum avang leh, a aw ki sana roreltute a vin avangin, Chief Justice, Dipak Misra Misra chuan a khak a, ukil \henkhatin aw ki san an ching chu roreltute zah lohna a nih bakah, ukil hlun. ni tlak lo an nihna tilangtu a ni a ti bawk a, Supreme Court Bar Association-in hetiang ukil-te a khuahkhirh loh chuan Court-in a khuahkhirh tur thu a sawi bawk a ni. Dhawan hian a ban thu hi lehkha-in CJI a hrilh a, ukil hlunten an bah \hin nghawngawrh chu Pu Misra chuan a duh chuan a chhuhsak thei nain, a hnathawh tawh hriatreng nan dah \hat a duh thute a ziak tel a ni.