Aizawlah chuan Zarkawt kawn leh Khatlakawn a\angin kawng hi vawiin chawhma dar 11 khan \an a ni a, Vanapa Hall kawtah an intawkkhawm a ni. Kawnzawhtute hian Citizenship Ammenment Bill 2016 an duh loh thu aupuiin, Mizoram hi kan ram a ni tih te, kan ram venhim hi kan mawhphurhna a ni tih te, hmarchhak state in ramdang mi kan duh lo tihte an au pui a ni.
Kawnzawh tawpna Vanapa Hall kawta inkhawm tawi neihah Central YMA President Pu Vanlalruata chuan, Mizo ten an duh lo chunga Citizenship Amendment Bill Lok Sabha a pass a ni chu lungchhiatthlak a tih thu a sawi a, Rajya Sabha-ah pass la ni ve lo mahse thla thar Budget session neih turah an pu lut leh mai ang em tih chu thinphu dep dep in an ngai chang tih a sawi. Pu Vanlalruata chuan, ram leh hnam himna atana punkhawmin awmzia a neih ngei a beisei tih sawiin pass a nih pawhin hmarchhak State huamtir loh anih a beisei thu a sawi a, Rajya Sabha ah he Bill hi pass a nih lohna tura Rajya Sabha Member Pu Ronald Sapa Tlauin hmalakna chu fakawm a tih thu sawii, a tawp thlenpui ngei tura a duh thu sawi. Pu Vanlalruata chuan, Mizorama ram awl zawng zawng hawhkhah tumtu an awm nia ngaihtheiha hmalakna chu a hriatthiam theih a nih loh thu a sawi a, Citizenship Ammenment Bill 2016 nasa taka dodal a ni chunga pass a nih chuan a hlawhtling loh nan hna Mizo mipuiin an tih tur an ti ve dawn tih a sawi.
MZP President Pu L Ramdinliana Renthlei pawhin thusawiin Citizenship Ammenment Bill 2016 chu Mizoram tan a hlauawm bik hle tih sawiin an hnuk a chah hma loh chu an dodal zel dawn tih a sawi.
Pu L Ramdinliana Renthlei chuan, Citizenship Ammenment Bill 2016 an duhloh thu leh he bill zir chiangtu Joint Parliamnent Committee te pawh NGO Coordination Committee chuan nikum khan an kawm thu a sawi a, Mizoram tlawh ve ngei tura an ngen chungin Mizoram tlawh lovin an report chu tun thla ni 7 khan Parliament-ah an thehlut a ni a ti a, Mizo te duh dan nilova he bill hi pass a nih chuan zalenna sual leh chu Mizo \halai ten an hreh dawn lo a ni a ti.
Pu L Ramdinliana Renthlei chuan, Citizenship Ammenment Bill 2016 chungchangah Political party ten hamthat lak tuma midang sawisel an la awm chu \ha lo a tih thu a sawi a, \anrual hun a ni tih hre tur leh hamthat lak tuma beite pawh tawp san nghal tura a duh thu a sawi. Citizenship Ammenment Bill 2016 duh loh lantir nana NGO Coordination Committee in Republic Day boycot tura a rel angin zirlai Parade zir mekte pawh zir chhunzawm tawh lo tura an ngen thu a sawi.
Kawngzawha tel te hian Resolution pass in, Ramdangmi laka Zoram humhim tura zoram mipuiten theihtawp an chhuah zel tur thu an tarlang a, Citizenship Ammenment Bill chu Hmar chak state tan a him loh avangin hnawl ni rawh se tih te, Sorkar laipuiin a kaltlangpui a nih chuan Hmarchhak State mipui aiin ramdang mi a thlang zawka an ngaih tur thute leh India hian Mizo te au aw a ngaithla duh lo a nih chuan an awm mai mai loh tur thu te resolution ah chuan an tarlang a ni.
Hemi hnu hian Prime Minister Narendra modi leh Union Home Minister Rajnath Singh-a te lim chu MZP President Pu L Ramdinliana Renthlei leh NESO Joint Secretary Ricky Lalbiakmawia ten an hal a ni.
