Citizenship Ammendment Bill pass a nih loh vanga hmar-chhak state mipui te an lawm viau laiin Assam Finance Minister leh BJP hotu hlun Biswas Sarma chuan Bill pass a ni lo chu Assam tan a pawi thu a sawi ve thung.

North East Democratic Alliance hruaitu Biswas Sarma hian Bill tel lo chuan Assam inthlanah bial 17 te chu Bangladesh Muslim te pek an ni mai dawn nia sawiin Assam tan a pawi thui hle dawn a ni a ti ve thung a. BJP chuan Bill hi an thlawp thu sawiin, NDA hian Rajya Sabha-a thuneihna a neih loh avangin bill hi pass thei lo mahse, thlawptu nei a, thuneihna an chan hunah he bill hi putluh leh a ni ang a ti a, he bill hi pass a nih theih nan BJP chuan a bawhzui zel dawn a, inthlanna pawh he intiamna nen hian an hmachhawn dawn tih a sawi.