Hemi puala inkhawm tawi MZP pisa pui tuala buatsaihah MZP General Secretary Pu Lalnunmawia Pautu chuan, flag dum an tar chhan chu CAA dodalna lantirna leh he dan dodaltuten nasa taka kut an tuar an dem tih lantirna a nih thu a sawi.
NESO Finance Secretary Pu Ricky Lalbiakmawia pawhin CAA chu dan a nih hma a\angin hmarchhak state te tan a him loh avangin an dodal tih a sawi a, CAA dodaltu zirlaite sorkar laipuiin nasa taka kut a thlak mai chu an dem hle tih a sawi a, CAA chu Mizoram leh hmarchhak state te tana him lo a nih avangin mipuite pawh an hmalakna chu thlawp turin a sawm a ni.
JNU a reserch scholar Lawmsangzuali pawhin CAA an dodal avangin Police-in amah pawh nilengin an hreng tih a sawi a, JNU zirlaite hian an fee tih san an duh loh na leh CAA dodalna an lantir avanga buaina nasa tak chhuak thupbo nan sorkar laipuiin JNU zirlaite chu a hmang niin a sawi a, hetihrual hian an zirna-a fee tih san duh lohna leh CAA dodalna chu tawpsan an tum loh thu a sawi.
