Citizenship Amendment Bill chu ram danpui mil a ni tih puang tura ngenna lut ngaihtuahin Supreme Court Chief Justice SA Bobde chuan ramin hun khirh tak a tawng mek a, tun dinhmunah court in thu a lo neih chu awmze nei lo a ni a ti a, tharum thawhna a tawp hunah chauh CAA chungchang chu ngaihtuah a ni ang a ti.

Ukil pakhat, Vineet Dhanda chuan supreme court ah hian ngenna thehlutin CAA chuan ram danpui a kalh lo ani tih puang turin a ngen a, a dodaltute leh zirlai te bakah thu dik lo puangzartu Media House te laka khauh taka hmala turin a ngen a ni.

Chief Justice chuan Parliament in dan a pass chu ramdanpui nena inmil a ni tia lo puan chi a ni lo a, ram danpui a kalh em tih erawh zawhna a ni thei thung a, dan zir chhuak pangngai tan ram danpui mil a ni tia puang tura court ngen chu kalphung a ni lo a ni a ti.

Rampumah CAA dodalna nasa tak a thlen mek laiin Chief Justice Bobde hian tun dinhmunah chuan remna leh muanna chu ngaihpawimawh phawt a \ul tih a sawi.