Thuchhuah an siamah ZPM chuan, Citizenship (Amendment) Bill, 2016 chu hnam tlem leh Kristian sakhaw zuitute tan chuan India dan siam tawh zingah a hlauhawm ber ni hiala an hriat thu sawiin, Mizo mipuiten theihtawpa an dodalna chuan ngaih pawinawh a hlawh zo ta lo chu pawi an tih thu an sawi a.
Mizo hnam leh Kristian sakhaw chimralna dan siamtu Sorkar laipuia BJP kaihhruai NDA chu MNF in NEDA ah thawhpuiin, NDA pawh a thlawp tih an sawi a, NEDA-a an thawh hona leh NDA sorkar an thlawpna chu titawp tura MNF an phut thu an sawi a, Chief Minister Pu Zoramthanga’n he bill hi a tawp thlenga dodal a tum thu a lo puan tawh chu ti hlawhtlinga, Mizo hnam thlavang hauh turin an phut tih an sawi a, Kristian sakhua humhalh duh vang tal pawhin MNF party chuan NEDA chu a chhuahsan ngei tur nia an ngaih thu leh NDA a thawpna pawh a titawp ngei tur nia an ngaih thu an sawi.
