Mamit khawpuiah chuan sorkar pisa, zirna in zawng zawng, bank, sumdawnna hmun leh dawrte khar vek a ni a, bandh neih chhung hian lirthei tlan hmuh tur a awm lova, mihring pawn chhuak pawh an tlem a, tuallai leh vantlang hmun te pawh a ruak vek a ni.
Kolasib District-ah chuan Kolasib khawpui bakah Kawnpui, Vairengte leh Bairabi-ah te pawh bandh neih a ni a, bandh hi mipuiten an thlawp \ha hle a ni.
Champhai District-ah pawh Champhai khawpui bakah Khawzawl, Ngopa leh khaw dangah te pawh bandh neih a ni a, bandh neih chhung hian sorkar pisa zawng zawng, zirna in zawng zawng, dawr, bank, sumdawnna hmun leh vantlang hmunte khar a ni a, lirthei an tlan loh bakah mihring pawn chhuak pawh hmuh tur an awm lo a ni.
Serchhip District-ah pawh District Hqrs. Serchhip bakah Thenzawl leh khaw lian dangah te tukin dar 5 a\anga tlai dar 4 thleng khan bandh neih a ni a, bandh hi mipuiten thlawp \ha hle mah se bandh neih chhung hian zirlaite chu hmun hrang hrang, Serchhip Bazar, IOC Kawn, Kikawn leh Sailiam Kawnah te an duty a, buaina chhuak palh thei vengin Magistrate leh Police te pawh an duty bawk a ni. Bandh neih chhung hian damlo phur motor, tui sem, bawnghnute sem leh harsatna dang neite chu ngaihhnathiam an ni.
Thenzawlah chuan zirlaite Aizawl-Lunglei kawngpui leh hmun pawimawh dangah te tukin dar 5 a\ang khan an duty a, bandh \an hmaa duty na hmun paltlang hman lo mihring phur chi Maxicab leh lirthei dang engemawzat dan an ni.
Lunglei District-ah pawh Lunglei khawpui bakah Hnahthial leh Lungsenah te bandh neih a ni a, bandh thil tum hria-in mipuiten \ha takin an thlawp a ni. Bandh neih chhung hian zirlaite chu kawng peng\huam lun lai leh hmun hrang hrangah \ha takin an duty a, buaina chhuak palh thei vengtu Magistrate leh Police te pawh an bulah an awm bawk a ni.
Lawngtlai District-ah erawh chuan bandh hi neih a ni ve lova, Lai Students Association chuan NESO ruahman anga MZP-in bandh huaihawt a tum chhan chu \ha tiin an thlawp thu thuchhuah siamin an tarlang a ni.
Hetihlai hian Siaha khawpuiah chuan Mara Students Organization bul tumin tukin dar 5 a\ang khan bandh neih a ni a, hei hian sorkar pisa hrang hrang leh zirna in chauh a huam a, lirthei leh mipui nawlpuite chu an chhuak thei a ni.
Bandh neih chhung hian khawi hmun a\ang mahin buaina leh thil duhawm lo thleng a awm lo a ni.
