Thuchhuah an siamah ZPM chuan, Citizenship (Amendment) Bill, 2016 hi tihpuitlin ni ta se a nghawng nat zual tur State sorkar leh mipuite be rawn lo leh hrilhhriat an nih loh avangin Mizorama Political Party leh tlawmngai pawl \henkhat chuan kum 2017 khan thuchhuah siamin sorkar laipui an lo kar tawh tih an sawi a, hemi chungchanga thuchhuah hi duh tawk mai lovin ZNP President, Pu Lalduhoma chuan kum 2017 August ni 16 khan hemi chungchang zirchiang tura ruat, Joint Parliamentary Committee Chairman, Pu Satyapal Singh hnenah he Bill duh lohna Memorandum a thehlut a, MPC pawhin Memorandum an lo zu thehlut tawh bawk niin an sawi. Hetianga dodalna nasa tak kara he Bill pass tum anga tun hnaia thu awm leh dodal nana NESO-in hmarchhak puma Total Bandh an huaihawt tur chu ZPM chuan a thlawp a. He thil hi Party leh pawl bil ham\hatna atana hmang lova ram, hnam leh sakhaw himna atan lungrual taka ke pen ho turin Zoram mipui zawng zawngte ZPM chuan a sawm a. Citizenship (Amendment) Bill, 2016 chu pass a nih loh nan an theihna hlan ngam \heuh turin mitin an ngen bawk.
