PM hian nizana Guwahati a thlenin kawngsirah mipuiten puanzar dum nen an lo hmuak a, Modi haw leh rawh tiin an auva, BJP party thawhpui \hin, Asom Gana Parishad mite pawhin an duh loh entirnan meichher chhiin kawng an zawh a ni.
PM hian Act East policy hnuaiah Hmar chhak state hrang hrangah hmasawnna project engemawzat tihpuitlin a pawimawh thu a sawi a, Sorkar hmasa te’n Arunachal Pradesh an ngaihsak ngai lo nia sawiin BJP sorkar chuan Arunachal Pradesh tihhmasawn nan cheng vbc 4,000 chuang senna tur project engemawzat hmangin hma a la a ni a ti a, hmarchhak state te hi tihhmasawn phawt a nih loh chuan India thar siam theih a ni lo niin a sawi a ni. Arunachal Pradesh tlawha Prime minister zin hian an khawpui Itanagar-a Hollongi thlawhna \umhmun siamna tur a phum a, FTII zirna in sakna tur lung a phum bawk a ni. Prime Minister chuan Saubhagya scheme hnuaiah Arunachal Pradesh chu kawlphethaah a intodelh tawh niin a sawi a, in tinin eng an nei tawh tih sawiin, Arunachal Pradesh sorkar leh an Chief Minister a lawmpui thu a sawi a ni.
