An ngenna hi vawiin khan Rajya Sabha Chairman hnenah Mail hmangin an thawn a, an lehkhaah chuan Citizenship (Amendment) Bill, 2016 chu India danpui nghahchhan ‘Secularism’ kalh a nih bakah, khua leh tuite leh sakhaw hrangte inthliarna thlentu tur nia an ngaih thu sawiin, a bikin hmarchhak bialah ram dang a\anga dan lova luh theihna kawngka zau taka hawnna tur nia an ngaih avangin he Bill hi an duh lo tak zet a, theihtawpa an dodal zel tur thu an sawi a.
He Bill hi Lok Sabha-ah pawm ni tawh mah se, Rajya Sabha-ah sawi ho tura pharh a nih loh nan Chairman chu hmalak sak turin an ngen a ni. Prism General Secretary, Pu Lalrinzuala Chawngthu chuan, he Bill hi Mizo hnam leh Mizoram tan a him loh avangin Rajya Sabha-a phar lo turin an ngen tih a sawi.
