An ngenna hi PRISM Party hotute chuan vawiin khan Chief Minister leh Speaker hnenah an thlen a, Citizenship Amendment Bill, 2016 chu ram, hnam leh sakhaw tan a him loh avangin lian leh nasa zawk leh tun aia lungrual zawka dodal a ngai tih an sawi a, chumi bul\an nan chuan political party zawng zawngten thukhat vuaa hmalak ni se an duh thu an thlen a ni. PRISM Party thuchhuah tarlan danin, All Party Meeting ko tur hian January ni 15 khan Chief Minister, Pu Zoramthanga an lo ngen tawh a, tun thlenga hmalakna hmuh tur a la awm loh avang leh hemi atana hmalak chu \ul an tih bawk si avangin vawiin khan an ngen nawn leh a ni.
PRISM Party chuan, Citizenship Amendment Bill, 2016 dodalna hi State Legislative Assembly-in a neih \ul an tih thu an sawi bawk a. Hemi chungchangah hian hmalak a nih theih nan vawiin khan Assembly Speaker, Pu Lalrinliana Sailo hnenah pawh All Party Meetting ko turin an ngen bawk a ni.
