Lungawi lohna lantirnaah hian hmeichhia leh naupang za tel engemawat an pungkhawm a, Delhi BJP President Manoj Tiwari chuan pungkhawmte hi \in darh tawh tura ngenin, Delhi Chief Minister chu lungawi lohna lantirtute avanga mipui nawlpuiin an tawrhna ngaihthahah a puh a ni.
Pathianni khan Prime Minister Narendra Modi chuan citizenship amendment act chuan tumah an khua leh tui nihna a hlihsak dawn lo nia sawiin, khua leh tui nihna pek theihna zawk tur a ni a ti a, lungawi lohna lantirtute chu tawpsan turin a lo ngen tawh a ni.
Shaheen Bagh hi Kalindi Kunj bula awm, Delhi khawpui dang, Faridabad leh Noida te nena inkalpawhna laia awm a ni a, lungawi lohna lantira pungkhawmte avang hian he kawngpui hi paltlang theih a ni lo a, mipui veivakte chu kawng dang zawhtir an ni.
Mipui pungkhawmin lirthei chevel an tih buai nasat avangin Delhi High Court thupekin police te chuan punkhawmte hi inremna neihpui tumin an bia a, tharum hmang lova inbiakremna neihpui tum tura police te hi thupek an ni.
CAA dodalna hi ram chhung hmun hrang hrangah lantir a ni.
