sorkar insawifiahna dawn a nih hma hi chuan he dan thar hi hnawl a ni dawn rih lo tihna a ni a, supreme court hian he dan thar hnawl tura ngenna lut 140 zet chu judge panga awmna constitution bench in a ngaihtuah dawn tih a sawi.
Supreme Court hian High Court dang zawng zawngte chu CAA kaihhnawiha ngenna lutte chinfel a nih hma chuan lo ngaihtuah rih lo turin a hriattir bawk a, Assam leh Tripura kaihhnawiha he dan thar khinna lutte chu thil inang lo a nih avangin a hranga ngaihtuah turin a ti bawk a ni.
Chief Justice SA Bobde-a kaihhruai judge pathum awmna bench hian CAA khinna thubuai 143 te hi a ngaihtuah a, a tlangpuiin CAA khinna te hi CAA in ram danpui a kalh tia khinna a ni.
Sorkar aiawha ding, Attorney General KK Venugopal chuan CAA khinletna lut zinga 60 vel chu sorkar laipuiin a copy a dawng tih a sawi a, a bak zawng chhanletna hun pe turin court hi a dil a ni.
Ukil Senior Kapil Sibal chuan court chu National Publulation Register kalpui rih lo tura thupek siam turin a ngen bawk a ni.
CAA hi sakhaw behchhana khua leh tui nih theihna dan dinglai siam\hatna a ni a, Pakistan, Bangladesh leh Afghanistan-a sakhaw tlem zawk, India rama lutten khua leh tui nihna an dil theihna tur a ni a, Muslim te erawh a huam ve lo thung. He dan thar sawiseltute chuan CAA leh NRC te chu India rama sakhaw tlem zawkte tana him loah an ngai a ni.
