CIA hian ram hrang hrang intelligence a\anga an finfiahna neihte an zir chiang a, US-a Saudi Arabia ram palai, Mohammed bin Salman-a unaupa, Khalid bin Salman-a leh Khashoggi-a te inbiakna pawh an zirchiang tawh a, Khalid hian Khashoggi hi Turkey khawpui, Istanbul-a Saudi Consulate-a kal tura a tih thu leh a him thu a hrilh a, Khalid hian Khashoggi hi thah a ni dawn tih a hre lawk lo a nih pawhin, an inbiaknaa a thusawi hi Mohammed bin Salman-a ruahman a nih thu an sawi a ni. Saudi Embassy thupuangtu, Fatimah Baeshen chuan Khalid leh Khashoggi te hian Turkey kal chungchang an sawi lo niin a sawi ve thung a, CIA thusawi hi a dik tawk lo thu leh anni pawhin ngaihruatna chi hrang hrang an dawng nasa hle niin a sawi bawk a ni.
