Nimin khan Chite lui thian faiin Save Chite Lui Coordination Committee leh NSS Volunteer 400 chuang an hnatlang a, hei hi Chite lui thenfai hnatlang \um hnihna a ni a, he hnatlanga tel, NSS Volunteer-te hi Aizawl khawpuia Higher Secondary School 12-a mite an ni. Hnatlangte hi Save Chite Lui Coordination Committee Chairman, Chief Secretary, Pu Lalmalsawma’n a hova, an hnathawhna tur hmuna an kal darh hmaa thusawiin Chief Secretary chuan, Chite lui humhalh leh thenfai chu mipuite mawh a ni tih sawiin, rual taka mipui an \an chuan Chite lui chu lui thianghlim leh hman tlak a ni leh dawn niin a sawi a, he \an lakna hi zawm tur leh thlawp turin mipuite a ngen nghal a ni. Save Chite Lui Coordination Committee Vice Chairman, Central YMA President, Pu Vanlalruata pawhin Mizorama luite ven him leh tuihna humhalh chu YMA member zawng zawngte mawhphurhna leh tih tur a ni tih sawiin, YMA member-te chu tichhetu ni lova, humhalhtu leh siam \ha-tu nih zawk tum turin a chah a ni. Hnatlangte hian hmun hniha in\henin he lui dunga bawlhhlawh chi hrang hrang an thian fai a, Bethlehem Vengthlang kaia hnatlangte chu PHE Deptt. Engineer-in-Chief, Pu Lalmuanzova’n a hova, Chite veng kaia hnatlangte chu Save Chite Lui Coordination Committee Vice Chairman, Pu Rinsanga’n a ho a ni. Puan tawh angin, Chite lui thenfai hnatlang vawi khatna chu kumin September ni 29 khan Aizawl khawpui chhunga College hrang hranga NSS Volunteer-ten an lo nei tawh a ni.
