Heng pawl 28 te hi Entity list-ah dah an ni a, US company thil siam reng reng Washington phalna tel lo chuan an lei thei dawn lo a ni.
Pawl 28 hian sorkar kaihhnawih pawl te leh thil enthlithlaina hmanrua siamtu, technology company te a huam a ni. Hei hi US-in insawmdawn tawnnaa China a hrek vawi khatna a ni lo va, May thlaa khan Huawei telecommunications company chu a thilsiamah venhimna a \hat tawk loh vangin entity list-ah a lo dah tawh a ni.
Commerce Deptt. sawi danin heng pawl hrang hrangte hi mihring dikna chanvo bawhchhiaa inhnamhnawiha puh an ni a, mihringten dikna chanvo an neih chu dik lo takin an hmang bawk a ni.
Beijing-ah hian Muslim Uighurs te chu detention camp-ah hrengin nghaisak an ni \hin a, China chuan he hmun hi vocational training center tih an vuah a ni.
Uighurs, Kazakhs leh Muslim member tlemte awmna pawlte chu khuahkhirh an ni a, dan mumal awm lova hren an nih bakah khawl thiamna sang tak hmanga enthlithlai reng an ni bawk niin Commerce Deptt. chuan a sawi.
US-in blacklist-a a dahte zingah Xinjiang province-a Public Security Bureau pawh a tel a ni.
