China mipuiten an kumthar, Lunar New Year chawlh hmang tura an buatsaih hun lai anih vangin China mi tam tak te chu hmun hrang hranga chawlh hmang turin an zin veivak nasa hle a, hetihlai hian natna hri a len vangin mipuite chu zin chhuak lo tura ngen an ni. He natna hi mi 500 aia tamin an vei tawh a, mi 17-in an thihpui tawh a ni.
He natna hri hi 2019-nCoV tia sawi a ni a, coronarvirus chi khat, tun hma lama mihringa lang chhuak ngai lo nia hriat a ni. Kum 2000 chho velah khan coronavirus chi khat, hritlang anga taksaa lang chhuak chu a lo leng chiam tawh a, kha mi \um khan mi 800-in an thihpui a ni.
Hetihlai hian Geneva-a World Health Organization emergency meeting chuan he natna thar hi global emergency-a puan rih loh ni se tiin thuthlukna a siam a ni.
