He lawng, Diamond Princess hi khualzinte intawllenna lawng a ni a, Japan lawng chawlhna pakhatah dah hran mek a ni a, a chhunga chuang mi 3,700 zinga 218 te chuan coronavirus hi an kai tih finfiah a ni tawh a ni.
US khua leh tuite hi naktukah thlawhna hmanga US panpui an ni dawn tih Tokyo-a US Embassy chuan a puang a ni.
Wuhan city a\anga darh chhuak virus hi mi 1500 chuangin an tihpui tawh a, China Health Commission chuan vawiin lamah mithi 143 an awm belh tih a sawi a, heng mite nen hian thipui zat chu 1523 an tling tawh a, thihpui thar mi pali tih loh, a dang zawng chu Hubei provice-a mi te an ni.
Virus kai hmuh chhuah thar pawh 2641 an awm leh tawh a, hengte nen hian China ram puma he virus kai tawh hmuh chhuah zat chu 66,492 an tling ta a ni.
China ram pawn lamah chuan ram 24 ah virus kai hi mi 500 vel hmuh chhuah an ni tawh a, mi pathumin an tihpui tawh a, heng mite hi Hong Kong, Philippines leh Japan mi te an ni.
Diamond Princess lawnga virus an inkaidarh \anna hi kum 80 mi pakhat, Hong Kong-a chhuk ta a\anga darh \an nia hriat a ni a, lawng a chhuahsan hnu hian virus a kai tih hi finfiah a ni a, lawnga chuangte leh thawktute hi Yokohama lawng chawlhnaah a hranga hren mek an ni. America mi \hahnem tak he lawnga chuang zingah 24 te chuan virus hi an kai tih finfiah tawh a ni.
