Coronavirus leng mek chungchang leh Mizoram a him theihna tura hmalak dan tur hi Health Minister Dr. R Lalthangliana hovin sorkar mipawimawhten vawiin khan an sawiho a, Lengpui Airport-a zin veivakte lo endika, a \ul anga screening neih dan tur ruahmanna an siam nghal a. Health Dept-a mithiam ten khualzinte hi an lo endik \hin ang a, Lengpui Airport lam thuneituten a \ul angin hma an la nghal dawn bawk.
Hei bakah hian ram dang atanga Mizoram lo luh theihna khan hrang hrangahte pawh khualzinte endikna hi uluk taka kalpui \an thuai nise tih an rel a, Home Dept lamin an bawhzui nghal dawn a ni.
He natna vei nia rinhlelh dah hranna tur pawh Mizoram sorkar chuan Falkawn Referral Hospital-ah a ruahman fel nghal a. Thawktu lamte pawh thil \ul a awm a nih chuan a rang thei ang bera che chhuak nghal thei turin inralrin tir an ni bawk a, Coronavirus kai nia rinhlelhte thisen sample phai lama thawn dan tur pawh rel fel nghal a ni.
Dr Thangtea hova \hutkhawmnaah hian Cocornavirus natna chungchang bika a tul anga hma latu tur Task Force Team din nghal an rel bawk a, He natna avanga sum leh pai senso \ul awm thei zawng zawng chu sorkar-in a ngaihtuah dawn a ni.
|hutkhawmnaah hian Health Department hotute leh Home Department bakah GAD leh Aviation Wing aiawhte an tel a, Health Dept Principal Director Dr. F Lallianhlira leh Epidemiologist Dr. Pachuau Lalmalsawma ten Coronavirus chungchanga thu tharte leh sorkar laipuiin hmalakna tur a duante an sawifiah a ni.
