Dr Tedros Adhanom Ghebreyesus chuan virus darh zel tur khuahkhirh tura hmalakna a ti harsa dawn tih a sawi a, China-a hriselna lam hotute chuan virus thihpui leh a kai thar hi an tlahniam tih an sawi thung.
Hetihlai hian South Korea ah chuan virus kai thar hi an pung thung a, Italy, Iran leh ramdang \henkhatah pawh a kai hmuh chhuah zat an pung a ni.
China pawn lamah ram 26 ah he virus kai hi mi 1200 an awm tawh tih WHO chuan a sawi a, South Korea ah mi pahnihin an thipui tawh a, Japan lawng chawlhna hmuna hren lawnglian pakhata mi te leh South Korea hi China pawn lama coronavirus kai tamna ber a ni mek a ni.
South Korea ah hian virus kai hmuh chhuah thar 142 an awm leh a, hei nen hian mi 346 finfiah an ni tawh a ni.
Italy ah chuan kum 78 mi pa pakhatin he natna hi a thihpui tawh a, Italy ah hian virus kai mi 16 hmuh chhuah an ni a, an ram health minister chuan a kai hmuh chhuahna bial-a school leh office te chu khar a nih tur thu leh infiamna lam chi te pawh tih tawp rih a nih tur thu a puang a ni.
China bikah hian mi 76,288 in virus hi an kai tih finfiah a ni tawh a, mi 2,345 in an thihpui tawh a ni.
