China mi, kum 28-a upa Lu Chao-a’n thlawhnaa a chuan \um khatnaa vanneihna a chan theih nan pawisa thir a vawm vir a, pawisa thir chu thlawhna khawl chhungah a luh vangin US Dollar 17,200 chawi tura tih a ni.

He thlawhna hian nikum February thla khan China chhim lama Anqing Tianzhushan Airport a thleng a, a khawl chhunga pawisa thir hmuh a nih vangin thlawk chhuak tawh lo tura tih a ni. A chhunga chuang Lu Chao pawisa thir chu a vawm luh a ni tih a sawi a, July thla khan court-ah a inlan a, amaherawhchu, thuneituten tun hnai khan mipuite hriat turin a puang chhuak chauh a ni. Lu Chao hi Police ten ni 10 chhung an kawl a, mipuite tihbuai thubuai awrh tir a ni a, amaherawhchu, pawisa chawitira chhuah leh a ni.