Shanghai-a thil hrang hrang siamte chu a tlahniam \an a, a tlakhniamna chu zaa 9 a tling \ep a ni. Hetihlai hian zawrhsum hlutna pawh a tlahniam mek bawk.
China-a central bank chuan coronavirus-in a nghawng vanga thil hlutna tlahniam tihziaawm nan kalphung thar a duang a, amaherawhchu, hei hian awmzia a nei thui lutuk lo a ni. The People Bank of China chuan hun reilote chhunga sum peipun dah punna zat chu rin loh deuhin a tihniam a, hei hi an ram sum dinhmun a tlakhniam lutuk loh nana a ruahman a ni.
Nikum khan ram sum dehchhuah kawngah China hi zaa 6.1 velin a \hang a, ram dangte nen an insumdawn tawnna inkar a \hat vak loh vangin kumin kumtir khan boruak \ang lutuk tihziaawm nan insumdawn tawnna \henkhatah inremna an nei a, bungruaa chhiah an lak chu a pangngaiin an kalpui thung a ni.
