China atangin Prime Minister Narendra Modi-a’n New Delhi a thleng leh ta

China President nen ni 2 chhung an inbiak hnuah Prime Minister Narendra Modi-a’n New Delhi a thleng leh ta. India leh China inlaichinna chu thil chi hrang hranga ngaihdan inan loh vang maiin siam\hat theih loh anga ngaih tur a ni lo a, Political level-a ram hruaitute inbiakna chhunzawm zel tur a ni tih chu President Xi Jinping leh Prime Minister Narendra Modi te Wuhan hmuna ni hnih an inbiakna-a an thu dah langsar ber a ni. Ram hruaitu pahnih te hi East Lake dil kamah len khawthawn paha an inbiak bakah lawngah pawh an chuang dun a, nikum Doklam hmuna ram pahnih sipaite inepna thleng chungchang te, ram pahnih inrem lohna neuh neuh chinfel dan turte leh hruaitu pahnih ten inpawh tawnna \ha zawk an neih chhunzawm zel theih dan tur te an sawi dun a ni. Ram pahnihte inrina hmuna sipai an dah te chu boruak tidai tawn tura hrilh an remti ve ve a, Foreign Secretary Vijay Gokhale sawi danin President Xi Jinping leh Prime Minister Modi te hian ram pahnih sipaite inkarah inrin tawnna a awm theihna tur leh ramri-a buaina awm thin te chinfel kawnga thawh dunna \ha zawk an neih theihna tura hmalak an remti ve ve a ni. Ram pahnih hruaitute hian Afgahistan sum leh pai lama \anpui kawnga hmalak dun pawh an remti a ni. PM Modi leh Xi Jinping te hi \um 6 an inkawm a, firfiaka ch>tna do l>t kawngah lungrual taka thawh dun an remti bawk a ni.