Nikuma nau piang zawng zawng hi mi naktaduai 14.65 an ni a, hei hi kum hmasa aiin 5, 80,000 in a tlem zawk a ni, hetihlai hian kum 2019 chhunga China-a mihring awm zat chhinchhiah chu tluklehdingawn 1.4 a ni.
China-a naupiang zat hi US aiin a hniam a, Japan aiin a sang hret thung a ni. Kum 1979 khan China sorkar chuan an rama mihring pung chak lutuk sutkian nan China ram pumpuia nupa tuak khat tan fa pakhat chauh nei turin dan thar a duang a, dan thar bawhchhetute hremna tur dan pawh duang nghalin pawisa an chawi mai bakah an hna thlengin an ch^n phah thei a, chu mai bakah nau tihtlak sak theihna a huam tel bawk.
China mipa te hmeichhia aia maktaduai 30 chuanga an tam zawk vangin he dan hi sawisel a ni a, kum 2015 khan sorkar chuan titawpin nupa tuak khat tan fa pahnih neih a phalsak ta a, he dan an hman hnu kum 2 chhung chu naupiang an pung nasa hle a, amaherawhchu, nikum khan nasa takin a tlahniam leh a ni. Mithiamten naupiang zat tlakhniam chhan an chhuinaah chhungkaw pakhatin fa pakhat aia tam enkawlna tur sum an neih loh vang niin an ngai a ni.
