Gui Minhai hian dan phal loh, khualehtui nihna a nei kawp a, dan phal lohin ram dangah China ram chhung inrelbawl dan a hrilhru nia sawi a nih vangin man a ni. Ningbo court chuan Minhai hi lehkhabu siamtu a ni tih sawiin, kum 2018 khan China mi a nihnaah a let leh niin a sawi a, Sweden khualehtui a nihna a bansan leh bansan loh erawh sawi chian theih a ni lo niin a sawi bawk.
Gui Minhai hi Hong Kong-a lehkhabu zuartu niin, China-a politics hruaitute sawiselna chungchang a chhuah \hin a, kum 2018 khan China thuneitute chuan Beijing pana rela a chuannaah an man a, a tanna hmun a\ang hian tlan chhuakin a chin hriat a ni ta lova, hemi hmalam 2015 kum pawh khan dan phal loh lehkhabu a tlawhruk vang leh kawngpuia chetsualna thlengah a inhnamhnawih avangin man tura tih a ni a, Thailand-a chawlh hmanga a kal chu a chin hriat zui tur a awm lo va, kum 2017 khan a awmna hriat a nih hnuah manin, thla hnih a tang a ni. Hemi hnu hian Sweden ram palai nena Beijinga an zin tur rela an chuan laiin an man leh a ni.
