US khualehtui Hubei province a\anga an rama haw te chu ni 14 chhung dah hran an ni dawn bawk. US Health Secretary Alex Azar chuan World Health Organization thutlukna zawmin US-ah pawh emergency puan a nih thu a sawi a, China-a a\anga an ram mi haw te chu ni 14 chhung dah hran a, enthlak rih an ni dawn tih a sawi bawk.
Hetihlai hian Australia Prime Minister Scott Morrision chuan ramdang mi, China a\anga an rama luh tumte chu dan an ni dawn tih an puang a, an ram mi, China a\anga haw te erawh kar hnih chhung khung hran rih an ni ang tih a sawi.
UK, South Korea, Singapore leh New Zealand te pawhin China a\anga an ram mi an hruai haw te chu kar hnih chhung an enthla phawt dawn a ni.
Coronavirus kai nitin an pun belh zel a, hriat theih chinah mi 12,000 velin an kai tawh a, China ni lo, ram dang hmun 22-ah mi 100 aia tamin an kai tawh bawk a ni.
Beijing chuan Zirtawpni khan mi 49 an thi tih a tarlang a, thi zat chu an vaiin mi 259 an tling tawh a ni.
Japan leh Thailand-ah mi 14 -in coronavirus hi an vei tawh a, Singapore-ah 13, Australia leh Taiwan-ah 9, Malaysia-ah mi 8, South Korea-ah mi 7, France leh US-ah mi 6, Germany leh Vietnam-ah mi 5, United Arab Emirates-ah 4, Canada-ah 3, Italy, Russia leh UK-ah mi 2 \heuh, Cambodia, Finland, India, Nepal, Philippines leh Sri Lanka-ah te mi 1 \heuhin an kai tawh a ni.
