He inkhawm ZORO Treasurer, Pu Michael Lalthanmawia kaihhruaiah hian an pawl President, Pu R. Sangkawia chuan, UNO in Tual\o hnamte siamfel a, an dinhmun leh chanvo dik tak an chan theih nan tha leh sum a seng tam tawh hle a ni, a ti a. Tualto hnamte dinhmun siamfel tur hian kum 10 dan ah a buaipuitu tur siam \hin a ni a, tunah hian a vawi 3-na leh a tawpna chu kum 2024-ah a thleng dawn a, hemi hma hian Zofate pawh an inbuatsaih a ngai a, hetah hian UNO pawmpui tlaka an dinhmun a an tarlan a \ul tih a sawi. Pu R. Sangkawia chuan, Sorkar laipuiin CAA a kalpui chu ZORO chuan a duh lo tih sawiin, Sakhaw tih bikna dan chu an duh loh avangin Human Rights Council ah lehkha an thehlut a, an lehkha an hmuh thu hi an hriattir tawh niin a sawi.
ZORO \halai President, L. Ramdinliana Renthlei pawhin, ZORO chu political party a ni lova, Zofate rorelna pakhat hnuaia an awm theih nan leh Zofate khawvel hmun hrang hranga awmte an inpumkhata an insuihkhawm theih nana hma latu a ni, a ti a. Hemi tihlawhtling tur hian ZORO thalai chuan hma an la dawn tih a sawi.
Chin-Lushai Conference hian Zo Inpui sakna tura hmalak mek chu chak lehzuala kalpui nise tih an rel a. Hetah hian Zoram hmun hrang hrang a\angin palai thahnem tak an tel a ni.
