Chief Secretary Pu Lalnunmawia Chuaungo in mipui kharkhip chhung leh a zawh hnua Mizoram sum leh pai dinhmun tur economy chungchangah Mizoram chhunga siam theih leh thawh theih chi te uar a pawimawh dawn tih a sawi.

Pu Lalnunmawia Chuaungo hian Mizoramah thil siamna hmunpui a tlem a, phai a\angin engkim chawkluh a ni a, sumdawngte pawhin bungraw sawngbawl sa an lakluh avangin a chhenfakawm tawk lo a ni a ti a, Mizoram economy chawikang turin Mizorama siam theih leh thawh theihte chu Mizoramah ngei buaipui a tul a ni a ti a, hri leng mekah pawh hmaituamna chu phai atanga lakluh ngai lovin tualchhungah a siam ve theih tih a lang a, hetiang bawk hian Mizoram chhunga siam chhuah theih ang chite chu siam chhuak tur leh Mizorama thawh theih chi te thawk turin hmalak an tum tih a sawi.