Health Minister Dr R Lalthangliana’n vawiina chanchinbumite a kawmnaah Chief Secretary hian a \awiawm a, Covid-19 laka Mizoram a him theihna tura sorkar, tlawmngai pawl, Kohhran leh khawtlang hruaitute thawh hona chu a \ha hle tih a sawi a, hei vang hian Delhi lam pawh Mizoram dinhmunah chuan an ngaih a \ha a, Mizoram chu inven lawkna lama hmala \ha ber pawl a nih hmel a ni a ti.
Chief Secretary hian sorkarin mipui himna tura ramri a khuahkhirh mekah mipui mamawhah harsatna a thlen lohna tur zawnga hmalak a ni a ti a, mipui nitin mamawh tluang takin Mizoramah a lut reng a, Supply Dept in uluk takin an vil reng a, mipui tan ralkhel chhan tur a awm lo a ni a ti a. Khualzinten khawsik an nei em tih enfiahna Thermal Scanner chu Mizoramin 17 a nei sa a, a dang ngaihtuah bel a ni a, duhkhawp lei tur awm rih lo mahse, Delhi ah 10 leh Kolkata-ah pathum lei tur sorkarin a hmuh belh a ni a ti.
Chief Secretary chuan tun dinhmunah sorkar office ang chi te chawlh \hup chu \ul rih lova ngaih a ni a ti a, mipui punkhawmna hmun te erawh khar tura hriattir an ni tawh a, sorkar chuan mi 10 aia tam punkhawmna ang chi pumpelh chu tun dinhmunah \ha berah a ngai tih a sawi.
