New Economic Development Policy hnuaia mirethei chenna in sak sakna tur, Chief Minister’s Rural Housing Scheme Champhai District-a hman tur chu vawiin khan Champhaia CHANEM buildingah Pu Lalrinliana Sailo MLA-in a hawng. Hawnna inkhawma thusawiin Pu Lalrinliana Sailo chuan mi retheite dinhmun hre tu Chief Minister ruahmanna siam avangin mi rethei leh chhawmdawl ngaite chenna in sakna tur hi NEDP hnuaia ruahman niin a sawi a, he scheme a\ang hian in thar sakna tur daih sum awm lo mahse furpui tuar thei tur leh thli leh ruah laka him lo tur in thawm \hatna tur ruahman a nih avangin a chhenfakawm hle dawn tih sawiin, a mamawh tak tak leh dawng tlakte chauh thlan chhuah a nih theih nan khawtlang hruaitute nen a dawngtu tur thlan kawngah thawh ho a ngai dawn niin a sawi a ni. He inkhawmah hian DRDA Project Director, Pi Zosangzuali Pachuau chuan he scheme a\anga \anpuina pek tur te chu kum 2017-2018 Financial Year-a sum ruahman a\anga \anpui an nih dawn thu te, hemi a\ang hian Champhai, Kolasib, Mamit leh Aizawl District-ah te \anpui ngai thlan an nih dawn thu te a sawi a, district 4-ah hian \anpuina dawng tur chhungkaw 2,000 vel an awm tih sawiin, in pakhat zel sak nan Rs. 50,000/- zel installment-a pek an ni dawn niin a sawi a ni. He inkhawm hi Champhai Bawrhsap, Vanlalngaihsaka’n a kaihruai a ni.
