Kumin January ni 22 zana Chief Minister vengtuten Serkhan daia Sihphir Driver, Lalbiakzuala kut an thlak chungchang chu vawiin khan Prism-in National Human Rights Commission-ah a thlen. Prism hruaitute chuan, he thil thleng chungchangah hian Chief Minister, Pu Lal Thanhawla’n vawiin thlenga thu engmah a la sawi lo chu tha lo an tih thu sawiin, Sorkar thuchhuah tarlan danin, he thil tleng hi Home Minister, Pu R. Lalzirliana bakah a enkawl Home Department chuan thudikah a pawm a. Sorkar leh Police-te pawhin kut inthlak hi a thleng ngei tih an pawm tawh laia vawiin thlenga kutthlaktute man an ni lo leh dan hmanga hrem an la awm lo chu thil sualtite hum tumna nia an ngaih thu an sawi a ni. Prism chuan, dan hmanga rorelna kalpui lova, dan chunga leng an awm ni hiala ngaih theiha thil a awm thin chu an Party chuan a tha a ti lova, thil sual tituten insiamthat nana an hman theihna tur leh hetiang pawikhawihna hi a thlen tawh loh nan NHRC-ah an zualko ta tih an sawi.
