Chief Minister Pu Zoramthanga’n tunhnaia sorkar laipui dawrnaah Mizoramin hmalak a tum dante a thuphunga sorkar laipui hotute hrilhfiahin a zuk vaw dup phawt tih a sawi a, project tam tak siama umzui a ni ang a ti.

MNF Party office Mizo Hnam Run-ah vawiin khan Delhi a cham chhunga a hmalak dan hi Pu Zoramthanga hian a sawi a, SEDP chu Board hrang hrang 14 kaltlanga kalpui tur a ni tih a sawi a, Board 14 te hian sector hrang hrangah project siamin hma an la dawn a, amah pawhin puih an ngaihnaah chuan a pui zel dawn tih a sawi a, Mizoram budget chu ‘a chi’ -a hmangin hmasawnna hna tak tak thawk turin mahni chan mual \heuhah Board tinin sum hai chhuah hna an thawk dawn a ni a ti a, hei hi hmasawnna thlen tura an kaldan tur system chu a ni tih a sawi.