He thu hi vawiina Synod Executive Committee leh MLA tharte Synod Office JM Lloud Hall-a an inkawmnaah a sawi a, tun hnaia Company \henkhatin Mizorama thlawhtheihna service an tihtawp chhan chu Runway chhiat tawh vang a ni a, hemi vang hian thlawhtheihna lo \um \hin ten an phurh theih tawk a\anga zaa 80 vel bak an phurh ngam loh avangin an hlawk lova, Mizorama service an tihtawp phah nia sawiin, hei hi hriat a nih veleh nizan khan PWD hotute chu Lengpui thlawhtheihna \umhmuna Runway chhia chu siam\ha turin hriattir nghal an ni a, hemi atan sum sen ngai tur chu a vaiin Rs. vbch 24 vel a ni a, tunah hian vbch 11 vel neihna a awm a, he sum hmang hian bul lo \an phawt tura hriattir an ni a, zan lamah hna an thawk ang a, dan pangngaiin chhunah thlawhtheihna a \um thei dawn tho tih a sawi. Synod hotuten zu zawrh titawp tura an ngenna chu an thil buaipui mek a ni tih sawiin, Pu Zoramthanga chuan, tunah hian Court thutlukna avangin zawrh rih a la ngai a, Assembly \hutkhawm hmasa berah zu khap burna dan siam turin Bill puhlut nghal a ni dawn niin a sawi a. Rangvamual leh Phunchawng chhehvel zalen lutuk nia sawi pawh enfiah a nih tur thu a sawi. Pu Zoramthanga chuan, SEDP hnuaiah ram leh hnam intodelh tura \anlak a ni dawn tih sawiin, ram ruak awmte \angkai taka hman tum a ni dawn a, he hmalakna hmang hian zu zuar \hinte pawhin an zu zawrh aia hlawh eizawnna an neih tawh dawn avangin zu an zuar peih a rinawm tawh lo tih a sawi. Eirukna do kawngah MNF kaihhruai Sorkar chuan chak takin hma a la dawn tih sawiin, Chief Minister chuan, hmasawnna hnathawktu Department 14 -te hmalak dan vil turin Board din a ni dawn a, hetah hian sorkar hotute bakah kohhran hruaitute leh khawtlanga mi rinkaite dah an ni dawn a, a duh tan pawh eiruk mai theih a ni tawh dawn lo niin a sawi.
Ramri, sakhua leh hnam venhim kawngah pawh sorkar chuan theihtawp a chhuah dawn tih sawiin, tun hnaia \henawm ram \henkhat buaina chuan ramri venhim a \ul zia a tilang chiang hle a ni, a ti a. Tunah hian Mizoram hmun hrang hranga inkalpawhna kawngpui pawh siam\hat mek a ni a, fur thlen hmaa a chezual lai siam\hat hman tum a nih thu a sawi bawk.
