Budget sawihona a khaikhawmnaah Pu Zoramthanga hian, State Sorkar leiba chu an duh emaw duh lo emaw kum tin neih a ngai a, tun hmaa tuten emaw sorkar leiba zat chhut chhuaka mimal tinin cheng chuti zat an ba tia an vawrh darh \hin chu hriatchian loh chuan lungngaihpui tham a ni a, hei hi a takah erawh chuan a ni lova, State lian \henkhat chuan leiba cheng vbc nuai tel an nei a, tu sorkar pawh nise leiba chu kumtin a pung chho a ni a ti.
Chief Minister hian India rama awm an nih chhung chuan kal dan pangngaia awm sa chu zawm reng a ngai a, State sorkar-in sum a hmuhna kawngah central a\anga a dawn tur leh an mahni thawh chhuah lakkhawm a\anga tum ve tur a awm a, hei hi an lakkhawm tam poh leh an vannei mai dawn a ni, a ti. Chief Minister chuan, Budget kalphungah tun hma chuan Plan leh Non-Plan awmin rahmanna hran siam a ni \hin a, tunah erawh chuan hei hi kaihkawp vek a ni tawh a, an sorkar hmasaka Budget an lo pharh ve tawhte nena khaikhin chuan tuna mi chu a ropui tawh hle a ni, a ti.
