Vawiina assembly rorel inkhawm, zawhna leh chhanna hunah he thu hi a sawi a, Pu Rama hian Mizorama rua leh mau awm awm sa te vat a, a aia \ha zawk phun tumin sorkarin hma a la a, Mizoram-a mau te chu te reuh te te a nih avangin a karah hnim a \o tam a, a kang duh a, Raw lian hmun chu sang pui pui, lian pui pui ding thelh \hulh anih avangin a karah hnim kang tur a \o tak tak thei lo a, a hnah tla leia inchap darh chu a lo kang palh anih pawhin nasa takin a kang thei lo a ni a ti a, Raw chin chu ram kang venna kawngah pawh a \ha ber pakhat nia an hriat thu a sawi.
Pu Rama hian Mau chu June thla velah a tuai a lo chhuak a, thla ruk hnu velah a nu chenin a \hang hman a, thla 6-a a nu tiat thing a tlem hle a ni a ti a, thla ruka nu te tiat turin Carbon dioxide tam tak hiplutin Oxygen tam tak a pe chhuak a, oxygen a pek chhuah chu thing pangai let 4 let 5 vel a ni a ti a. Raw ngaw a awm khup chuan tui humhalhna kawng \ha ber zinga mi a ni bawk a, sum leh paiah pawh Raw lian chi chu a hlawk bik em em dawn a ni a ti.
Pu Rama hian Raw chin beihpui thlakna tur hian Delhi lamah project pui tih an tum tih a sawi bawk a, central sorkar hotute pawhin an phurpui tawh hle tih sawiin, cheng vbc 100 tel lak chhuah theih an inring tih a sawi.
