Vawiin Assembly Budget Session zawhna leh chhanna huna member \henkhat zawhna chhanga he thu hi sawiin, Pu Zoramthanga chuan, tunah hian hmasawnna thlen tur leh thil \ha ti turin an inruahman mek a, ruai \heh tura vawk talh hlim ang chauh an la nih avangin an thil tih tur sawi lawk theih a la ni lova, chaw dawh tur chuan vawk puah te, a chhumte a la ngai angin chaw dawh tura intlar theih ala ni rih lo a ni, a ti.
Department \henkhat chu an hnathawh tur a zira an awmhmun siam rem \hin a ni tih sawiin, Chief Minister chuan, a tlangpuiin Department Head-te chu District Headquarters-a awm tura ngaih an ni a, hetihrual hian District \henkhata Pisa \henkhat chu an District pian hmaa lo din tawh an nih avangin District headquarters \huthmuna Department Head awm lo an awm zeuh zeuh a, hengte hi a siam rem dan tur a \ul anga ngaihtuah a ni dawn a, a hlawhtlin tur leh tur loh erawh sawilawk theih a nih loh thu a sawi.
