Chief Minister hi Mizoram House thawktuten an lo dawngsawng a, Shillong Mawkasiang a NEIGRIHMS a inentirte chawlhbuk tur Patients’ Lodge sak na tur hmunhma te a enfiahin a sakdan tur PWD architect te nen a an enho a ni. Sorkar thuchhuah tarlan danin Patients’ Lodge-ah hian room 40 awm tura ruahman a nih bakah a enkawltute chenna tur leh \ul dangte pawh a remchan dan anga sak belh zel tura tih a ni. Patients’ Lodge sakna tur hmun luah phalna hi kum 2014 March ni 20, khan Meghalaya sorkar a\anga hmuh a ni a, Building hi sak a nih thuai theih nan buaipui ngaite tifel thuai turin PWD hotute chu Chief Minister hian a hrilh a ni.
Chief Minister chuan Mizoramah damlo inenkawlna duhthusama a la \hat tawk loh avangin inenkawlna \ha zawk dawng turin mi tam tak state pawnah an kal a ngai a, Mizoram House chu an tlukluhna ber a nih avangin damlote dawl zo zawk turin damlo tam takin an pan thin NEIGRIHMS, Shillong bula Patients’ Lodge sa tura ruahmanna siam a nih thu a sawi a, zin veivak dangte tan pawh a nawm zawk nan Mizoram House hrang hrangte chu a remchan ang zelin sorkarin a thawm \ha zel dawn a ni a ti. Shillong Mizoram House a Cleve Colony a mikhual hmeichhia 30 leh mipa 30 lenna tur Dorm building sak mek leh Guwahati-a Mizoram House extension sak mek te Chief Minister hian a enfiah nghal a ni.
Chief Minister hian nimin lam khan Silchar Mizoram House a lo tlawh tawh a ni. CM hi Lok Sabha MP Pu C Lalrosanga leh mipawimawh dang ten an \awiawm a ni. Chief Minister Pu Zoramthanga hi NEC Plenary Meeting, Guwahati-a neih turah a tel ang.
