He thu hi nimina MLA rualin sik leh sa inthlak danglam chungchang sawihona, Aizawla an neihah a sawi a, Pu Zoramthanga chuan, khawvel pum huapa hmasawnna hnathawh chi hrang hrang avangin sik leh sa a inthlak danglam nasa a, hei hian mihring nunphungah nghawng \ha lo a nei chho zel a, a ti punlun zawnga hmalak loh theih a ngai a ni a ti a, sorkarin hmasawnna hna a thawh turah pawh sik leh sa ti danglam thei ang chi chu pumpelh theih dan ngahtuah a \ul a ni a ti.
Assembly Speaker Pu Lalrinliana Sailo pawhin thusawiin sik leh sa inthlak nasain tunhnaia mihring nunphung a nghawng chhoh zel dan thlir reng chungin Sorkarin National Action Plan on Climate Change zulzuiin State Action Plan on Climate Change a buatsaih tih a sawi a, a thil tumte hi sorkar pawhin SEDP hmalakna turah a dah tih a sawi.
Forest minister Pu TJ Lalnuntluanga pawhin thusawiin sik leh sa inthlak danglam avanga harsatna thlen thulha insiamrem zung zung thei turin sorkarin ruahmanna a siam chho mek tih a sawi.
Sik leh sa inthlak danglam avangin kum 2015 a\anga 2017 inkar chhung khan Mizoram pum-ah ramngaw zau zawng chu kilometre 562 bialin a tlahniam a ni.
