Pu Zoramthanga hian vawiin khan Mimbung-a SRDC Office thar, cheng nuai 45 senga sak hawngin SRDC chu council puitlinga hlankai a duh thu hi a sawi a. SRDC hian Lengteng leh Champhai North Assembly Constituency a khaw paruk – Mimbung, Hrianghmun, Teikhang, Kawlbem, Selam leh Vaikhawtlang te huamin kum 2012 February ni 24 khan Development Board anga din a ni a. Kum 2013 September thla khan Development Council ah hlankai leh a ni.
SRDC office hawn lawmna inkhawmah hian Pu Rama hian mipuiten Buh-a intodelh thei tura leilet siamna tur ngaihtuahpui tura an ngenna chungchangah project siam tura chah in, sorkarin a bawhzui tur thu a hrilh a. Manipur nen a inkalpawhna tur lei \ha zawk dawh tum anih tur thu leh inkalpawhna kawng tha zawk siam tura hmalak anih tur thu te a sawi.
SRDC member, Champhai North bialtu MLA Dr. ZR Thiamsanga’n vantlang inkhawm hi a kaihruai a, Council Chairman Pu L. Thangmawia, Lengteng bialtu MLA chuan SRDC chu Sialkal tlangdung a chengte tihhmasawnna tura ding anih angin eirukna tel lo in rinawmna leh thawhrimna nena kalpui a nih tur thu a sawi.
