ZPM Group Leader, Pu Lalduhoma’n Mizoram Bamboo Plantation kalpui a nih dan a zawhna Environment, Forest and Climate Change Minister, Pu TJ Lalnuntluanga’n a chhan zawh hnuah Chief Minister hian sorkar hmalak tum dan a sawifiah a, mau hmanga hma an lak tur chu khaw hrang hrangah mipuite intelkhawma Society anga kalpui tum a ni a ti a, a tlem thei ang bera chhut pawhin thingtlang in za khua vel chuan Rua hi kum khatah nuai 3 vel an thar thei dawn a, hemi sawngbawl tur hian an khaw hmunah Industry din nghal zel a ni ang a, hei hi \halaite tan hnathawh tur siamtu \ha tak a ni nghal dawn a ni, a ti a. Hei hi hlawhtling taka kalpui tur chuan a panna kawng \ha erawh neih a ngaih dawn avangin Link Road lai lamah pawh \anlak a nih tur thu a sawi.
Chief Minister hian tunhma lamah Mau chu Forest Department kuta awm \hin a ni a, tun hnaiah Sorkar laipui lamin Mau chu thing zing ami a nih loh avangin Horticulture Department-in enkawl rawh se a tih avangin Forest kut a\angin Horticulture chuan a la fel deuh hlawk a, thil inthlak thleng lai a nih avangin a nih phung leh thil awm dan chiang taka sawi mai theih a ni rih lo tih a sawi. Pu Zoramthanga hian, Forest Department kuta Mau a awm lai pawh khan \hahnem an ngai \hin hle a, a \iak phun tur pawh tam tak an sem a, chung zingah chuan a chi \ha vak lote pawh an lo sem palh avangin ama huana a chin zingah pawh hralh atana tlak lo a awm nual a ni a ti a, hei vang hian Sorkar Flagship Programme, SEDP hmanga hma an lak turah chuan Mau chi \ha ngaih pawimawh a ni dawn a, tunah hian chin tur chi 2 chu phai lama mithiamte an siam tir fel tawh tih a sawi a, a chi pakhat phei chu ama huana awm a\anga an lak chhuah a nih thu sawiin mithiam ten kum 6 vel zet an buaipui tawh a nih avangin \ha hle tura ngaih a ni a ti a, a chi siamna hmun hi Department lam pawhin a hmunah an enfiah tawh tih a sawi.
