MNF President, Pu Zoramthanga hian an party office Hnam Run-a an party danpui ‘Constitution’ vawiina a tlangzarh paha thu sawiin, MNF sorkar hmasa kum 1998-a an tlak hnuah kum 2008 leh 2013 ah Sorkarna an chang zawh loh avangin Congress sorkar chhiatzia an hriat phah niin a sawi a, sawimawi theih rual lohin an dinhmun a chhia nia sawiin, tun dinhmunah rampumah Congress chu President nei lovin an awm a ni a ti a, Congress chhiatna chuan ram chhung hmun hrang hrangah hlet a chhuah a, Goa leh Karnataka pawh nasa takin an buai a ni a ti.
Pu Zoramthanga hian, a kaihhruai sorkar chuan sawi vak aiin SEDP hmangin a takin an thawk zel dawn niin a sawi a, Rua chungchang a sawi \hin pawh a takin a lo thleng mai dawn a ni a ti. Hnam Run inkhawm hi an pawl Treasurer Pu Vanlalzawma’n a kaihruai a ni.
