Inkhawmpui thlenna tur Bilkhawthlir khelmual panna kawng siam\hat ngai a en a, leh tuna kawng awm sa chu a len tawk loh avangin kawng thar siamna tur ruahman chu CM hian a enpui a, Bilkhawthlir Park cheibawl dan tur leh P&E Department ram leh Health Centre te a en nghal bawk.
Chief Minister hian Mualkhang LPG Bottling Plant tlawhin IOCL hotute nen he plant hi hman a nih leh theih dan tur te an sawihova, Petroleum and Explosives Safety Organisation (PESO) endikna hnuhnung berin a phut ang thil \ul thenkhat siam belh a ngaih avanga hna chawlh lailawk chu chhunzawm a nih leh theih nan theihtawp hma a lak tur thu CM hian a sawi.
Chief Minister hian Kolasib khaw chhunga sawrkar hmalakna hrang hrang te a tlawh bawk a, PWD hmun te, District hospital khum 100 awmna tura ruahmanna te leh khaw chhung kawng tih zauh turte a en a, Thingdawl Nursing School, Polytechnic leh Se\hawna Social Welfare department hmalakna te a tlawh bawk.
CM hi FCS&CA Minister, Pu K. Lalrinliana leh Serlui bialtu MLA Pu Lalrinsanga Ralte ten an \awiawm a ni.
