PHE changtu Minister, Pu Tawnluia chu a damloh avanga phai lama a inenkawl mek avangin a Department enkawla zawhna awmte chu Chief Minister hian chhan sakin, Sorkar laipui chuan tuna khaw \hal rei avanga mi tam tak tui in tur harsa taka an awm chu a ngai pawimawh hle tih sawiin, tun hnaia New Delhi-a Niti Aayog meeting an neih \um pawh kha hei thil hian ngaih pawimawh a hlawh hle tih sawiin, mipuiten tui thianghlim in tur an neih theih nan nasa taka hmalak tum a ni, a ti a. He ruahmanna hi Mizoramah pawh chhawr \angkai a nih theih nan remchanna an zawng dawn a ni, a ti a. Khawpui lian zual leh a remchang a piangah he remchanna hmang hian tui thianghlim in tur pek tum a nih tur thu a sawi.
Chief Minister hian, Aizawl leh Lunglei khawpui bakah khawpui lian zualahte tui hnianghnar a awm theih nan sorkar chuan theihtawp a chhuah dawn tih a sawi a. Hemi atana hian Sorkar laipui pawh na zawka nawr zel tum a ni a, a \ul a nih chuan State sorkar sum hmang pawhin a theih ang anga kal tum a ni dawn tih a sawi. Congress member, West Tuipui bialtu MLA, Pu Nihar Kanti Chakma-a’n Chawngtea tui harsatna tihziaawm theih a nih leh nih loh zawhna chhangin Pu Zoramthanga hian, Chawngte chu Chakma Autonomous District Council \hut hmun a nih avangin Tui lama harsa taka an awm chu Sorkar-in \ha a tih loh thu a sawi a, Chawngte mipuiten Tui tam zawk an neih theih nan \anlak a nih tur thu a sawi.
